AKC-nin 6-cı Milli  konqresində qeydiyyatdan keçən  iştirakçıların sayı 500 nəfərdən çox olmuşdur. Bu ilki kongresə Azərbaycanla yanaşı daha 8 ölkədən, Türkiyə, Rusiya, Almaniya, Yunanıstan,  Qazaxıstan, Qırğızıstan, Özbəkistan, Gürcüstandan kardiologiyanın müxtəlif sahələrində çalışan mütəxəsislər qatılmışdır.

Konqresin ilk günü gənc kardioloqlar və rezidentlər üçün Kardiopulmonar Resusitasiya kursu, Ürəyin anatomiyası kursu, EKQ kursu təşkil edilmişdir.

Konqresə təqdim olunan mövzular əsasən kardiologiyanın müxtəlif  sahələrini  əhatə etsədə, ürək cərrahiyyəsi , endokrinoligiya, nevrologiyanın  bəzi aspektləri diqqətdən kənar qalmamışdır.

Kongresdə bir sira yeniliklər haqqında məlumatlar verildi.  Belə ki, Dr.Firdovsi İbrahimovun çıxışında  2018 –ci ildə Tükkiyədə başlanacaq   MINOCA ( Myocardial Infarction  with  Non-Obstructive Coronary Arteries) adlı böyk  tədqiqata Azərbaycan klinikaları və həkimlərinin qatılmağ imkanının olacağı  haqqında məlumat verildi.

Konqresin açılış mərasimində son iki ildə görülmüş işlər haqqında AKC-nin  sədri  ATU-nin dosentı  Fərid Əliyev ətraflı çıxış etdi . Avropa Kardiologiya cəmiyyətindən dəvət olunmuş (ESC)-nin hazırda vitse prezidenti və gələcək prezidenti, Almaniyanın  Erlangen-Nuremberg universitetinin professoru  Stephan Achenbach dolğun məruzə ilə tədbir iştirakçılarına  ESC rəhbərliyi  adından bu əlamətdar gün münasibətilə təbrik etdi və xüsusilə AKC-nın ildə bir dəfə Milli kongresinin Avropa standartlarına tam utğun təşkil olunmasının mühüm hadisə olduğunu vurğuladı.

AKC-nin 2011-ci ildə Parisdə Avropa kardiologiya cəmiyyətinin  (ESC) bərabər hüquqlu üzv qəbulundan sonra ənənəvi olaraq hər iki ildən bir cəmiyyətin sədr seçkisi bu dəfə də aparıldı. Seçki prosesi 2 dekabrda saat 9-dan 16-ya kimi  AKC-nin seçki komisiyası tərəfindən , müşahidəçilərin  iştirakı ilə keçirildi. Seckidə AKC-nin 476 üzvündən 345 nəfər aktiv iştirak etdi. Sədrliyə namizəd 2 nəfər arasında  səs çoxluğu ilə  Akad.C.Abdullayev adına ET kardiologiya institutunun böyük elmi işçisi, t.e.d., professor  Tofiq Cahangirov növbəti 2 il üçün cəmiyyətin sədri seçildı.           

Bu ilki kongress çərçıvəsində olan yeniliklərdən biridə İpək Yolu Aritmiya Cəmiyyətinin simpoziumunun keçirilməsi oldu, simpoziumda Azərbaycanla yanaşı Türkiyə, Rusiya,  Qazaxıstan, Qırğızıstan, Özbəkistan, Gürcüstandan  gəlmış qonaqlar da iştirak və çıxış etdilər.

Konqres çərçıvəsində bir neçə Satellit simpoziumlar keçirildi ki, bu simpoziumların biri Dünya Ürək Çatışmazlığı cəmiyyətinin prezidenti, professor Mehdi Zoghinin çıxışı ilə yadda qaldı. O, 2018-ci il iyunun 21-24-də Dünya Ürək Çatışmazlığı cəmiyyətinin 6-cı beynalxaq  kongresinin Bakı şəhərində keçiriləcəyi ilə bağlı kongres iştirakçılarını təbrik etdi və konqresin işində aktiv iştirak etməyə çağırdı.

Kongres çərçivəsində ğənc kardioloqlar arasında mərhum kardioloq Əli Əkbərovun xatirəsinə həsr olunmuş müsabiqə keçirildı və müsabiqənin qalıbı Dr.Günel Qafarlı elan edildi.

Dekabrın 3-də günün ikinci yarısında  Milli kongres öz işinə yekun vurdu.